Heime hos Kasper bur det mange slangar. Han elskar å leike og kose med dei, og han vil at fleire skal synest at slangar er fine og ikkje skumle.

Då familien til Sasha flykta frå krigen, måtte pappa bli igjen. No skal Sasha bli storesøster. Når babyen kjem, håper ho at pappa òg får kome til Noreg.

Emmett bur på Svalbard. Der er det mykje som er annleis. Når dei skal på tur, må dei ha med seg våpen, i tilfelle dei møter ein isbjørn.

Pappaen til Jonas spelar trommer i band. Om sommaren er han mykje vekke og spelar konsertar. Jonas synest det er gøy når han får vere med på scena.