Berre eit bilde: Kunstnaren Per Kleiva

Kunstnaren Per Kleiva førebur ei jubileumsutstilling. Han kan sjå tilbake på snart 50 år som ein ruvande bauta på den norske kunstscena. Kva vil den stillsame humanisten trekkje fram frå den rikhaldige verklista si? Per Kleiva var kunstnaren for dei unge på 70-talet, då han laga plakatar og grafikk alle hadde råd til å kjøpe og motiva hans var tidstypiske for kva dei unge var opptekne av. Særlig kjend vart "Amerikanske Sommarfuglar"; ein protest mot krigføringa i Vietnam. Men stemplet politisk kunstnar har han aldri sett pris på.