Solgt!

Finanskrise i Europa har fått nordmenn til å valfarte mot Middelhavet for å kjøpe feriehus. Programleiar Frode Søreide er på den franske riviera for å sjekke ut bustadprisane. Her blir det sol, sommar og luksus. På menyen står alt frå ein luksusbustad med symjebasseng og utsikt til filmbyen Cannes - til herskapsbustad i hjartet av Provence. Til å tippe pris er det med meklarar frå Stavanger og Ålesund.

Å selje eit herskapeleg pensjonat midt i Bodø sentrum er ikkje kvardagskost. Men dette blir ei av utfordringane når programleiar Frode Søreide i Solgt tar med seg to lag eigedomsmeklarer til Nordland for å tippe bustadprisar. Meklarane frå Oslo og Sandefjord får og i oppgåve å tippe pris på eit nedlagt småbruk med eit typisk nordlandshus frå 1700-talet.

Du treng ikkje dra langt ut av Oslo før du merkar at bustadprisane går ned. Drabantbyane rundt Oslo oppstod på 50-talet og skulle bøte på den akutte bustadmangelen i hovudstaden. Programleiar Frode Søreide sjekkar bustadprisane i bydelane utanfor Oslo. Meklarane som er med på å tippe prisar, får erfare at det er store variasjonar.

Hyttesalet i fjellet går treigt, og spesielt luksushytter har vore vanskelege å selje. Programleiar Frode Søreide i Solgt har tatt på seg ski for å sjekke temperaturen i fjellparadiset Hafjell. På menyen står også eit arkitektteikna hus i Lillehammer og ei toppleilegheit midt i sentrum. Til å tippe pris er det med meklarar frå Trondheim og Fredrikstad.

Drøymer du om eit liv på landet? Mange byfolk er lei av høge bustadprisar og kaos i byen, og småbruk er eitt av dei mest etterspurde salsobjekta på internett. Solgt har plukka ut tre perler i Vestfold og Telemark - men kva kostar dei? Programleiar Frode Søreide har tatt med seg to lag med bymeklarar, som får i oppgåve å finne salsprisen.

Bustadprisane har gått rett til vers etter at Norge sin hovudflyplass vart lagt til Garderrmoen. Men kor mykje kostar eit teglsteinspalass på 1000 kvadratmeter rett ved rullebana? Programleiar Frode Søreide har tatt med seg to lag med meklarar frå Rogaland og Trondheim til flyplasskommunen Jessheim for å finne svaret.

Kva kostar eigen strandline, båtbrygge og stor tomt i den sørlandske skjergarden? Det er berre å drøyme seg tilbake til sol, sommar og Sørlandet med programleiar Frode Søreide. Fritidshus i Norge sin vakraste skjergard står på menyen, og millionane sit laust når meklarar frå Trondheim og Haugesund går i bodkrig på Sørlandet.

Storbyleilegheit til under ein million? Medan bustadprisane i Norge har skutt i været, har dei nesten stått stille i Berlin, etter at muren fall. Stadig fleire nordmenn kjøper seg difor ferieleilegheit i den tyske hovudstaden. Programleiar Frode Søreide har utfordra fire norske meklarar til å tippe salsprisen på tre leilegheiter i den tyske storbyen.

Hus på sju plan i eksklusivt villastrok er ei av utfordringane når programleiar Frode Søreide drar til Larvik, saman med meklarar frå Stavanger og Valdres. Dei skal konkurrere om å tippe rette bustadprisar i vestfoldbyen. Larvik har dei siste åra opplevd stor vekst og byr på mange spanande eigedommar

Drøymer du om å kjøpe din eigen herregard? Programleiar Frode Søreide reiser til Säffle i Sverige. To lag med meklarer frå Ålesund og Asker skal forsøke å tippe salspris på tre ulike fritidshus i vårt naboland. Her blir det klassiske raude "stugor" - og kva koster ein herregard frå 1700-talet på 2000 kvadratmeter?

Hus med symjebasseng i hagen står på menyen når programleiar Frode Søreide inviterer til ein ny sesong med Solgt. Meklarar frå Romerike og Moss blir tatt med til Haugesund, der dei skal tippe salsprisen på tre ulike hus, mellom dei ein ærverdig villa i eit av dei finaste stroka i Haugesund.