Ein sau, ein klippar og sju spinnarar/strikkarar på Trikotasjemuseet i Salhus. "Frå sau til genser" er eit ambisiøst rekordforsøk. Minutt for minutt skal me sjå sauen mista ulla, ulla bli til garn og garnet bli til genser. Klarer me det på under 4 timar, 51 minuttar og 14 sekundar?

Direktesendt underhaldningsprogram frå Trikotasjemuseet i Salhus der strikking er einaste tema. Fire timar med inspirasjon, tradisjon og nye idear. Ein Harley Davidson skal få strikkekler, ein selbuvott blir til og du får læra strikketeknikkar. Du møter strikkepersonlegdommar frå heile landet. Programleiar Rebecca Nedregotten Strand håpar å få stoppa hola i yndlingslabbande sine. Når det nærmar seg midnatt, ladar me opp til verdsrekordforsøket "Frå sau til genser".