Det sit i veggane

Historikaren Christopher O'Regan og bygningsantikvaren Erika Åberg hjelper nysgjerrige eigarar å finne ut meir om dei gamle husa sine. Først reiser dei til Ödegården i Runsten på Öland. Erika viser korleis du sjølv kan fikse eit nytt tak inne i huset og reparerer hundre år gamle tapet. Christopher grev djupt i historia til huset, heilt tilbake til den personen som ein gong i tida bygde det.

Utanfor Skövde ligg eit soldattorp som skal vere frå 1600-talet. Erika viser den beste måten å renovere dei originale vindauga, medan Christophar tar oss tilbake til Sveriges krigerske fortid.

Pensjonatet i det lille skjergardssamfunnet Köpmanholm har nyleg gått gjennom massive forbetringar. Erika fernisserer eit gamalt golv av gran, reparerer fugene på ein kakkelomn og viser korleis man målar dører med linoljemåling. Christopher går djupt inn i skjergårdshistoria til huset, frå glansdagane til pensjonatet til smuglarkongen på 30-talet og losfamilien Österman, som har eigd huset i veldig mange år.

I Vadstena ligg eit fleire hundre år gamalt hus. Ein stor del av det opphavlege interiøret har forsvunne bak meir moderne overflater som dei nye eigarane Per og Elisabeth gjerne vil ta bort. Erika riv ned gipsplatene i trappa for å få fram panelet ho trur er bak. Christopher tar med eigarane på ei reise tilbake til året huset vart bygd på 1600-talet.

Landhandelen i Östra Ryd utanfor Norrköping er nedlagd, men rommet der butikken låg, finst enno. No vil dei nye eigarane ha tilbake det gamle butikkrommet slik det ein gong var. Erika viser korleis ein målar med eggtempera og behandlar det nylagde tregolvet med såpe. Christopher ser tilbake på rasjoneringstida under Den andre verdskrigen og undersøker ryktet om at byggmeistaren skal ha sett fyr på huset.