Der folkemusikken lever

• 3. oktober 2015 kl. 05:55
• Tillatt for alle
• 35 min

Lomsbygda i spel og song. (1:2) I eit sommardøgn opplever vi møte med musikken i sitt naturlege miljø som ein del av folkets daglegliv i kvardag og fest, på garden, i fjellet og på setra. Vi ser innom Rønnaug Vangen på Klepp i Bøverdalen, ho syng medan ho arbeider, anten det er med vevnad eller anna handarbeid. Får høyre om munnharpeslåtten Fangjen som har tilknytning til hending på Sota seter. Besøker bonde og spelemann Hans W. Brimi på Nordseter og Sjugurd Garmo på Kleppdals-setra - nabo til Nordseter. Sjugurd kan mange gamle slåttar og lagar sjølv slåttar i gammal stil. På ein gard i Vårdalen har Lom Spelemannslag øving, og etterfyljande festleg samver med koner og familiemedlemmer. Einskilde spelemenn i laget spelar også kvar for seg, som døme på levande folkemusikktradisjon med personleg dåm. Og i Enersvold sør i Lom er vi på leiting etter tussen som høyrer til der på garden. Han har sin eigen slått, ein vals kalla Enersvoldgråen (Einarsvollgråen), som Lom Spelemannslag spelar under kamerajakta på den spretne tussen. Ved Rolf Myklebust og Lise Foss.