Eides språksjov

Møt mannen som skapte mannen som elsket Yngve. Altså forfattar Tore Renberg, som er svært opptatt av korleis vi brukar bindestreken. I språksjovet får du også eit innblikk i polsk.

Kva er det som får ein heil fotballtribune til å skråle på same songen? Finst det eit eige stadionspråk? Det blir hevda at oslofolk ikkje snakkar dialekt. Tull, meiner skodespelar Liv Gulbrandsen, som held på tveitadialekten.

Har Kari Bremnes fått tidenes vakraste kompliment? Ho er blitt omtala som ei vandrande altertavle. Og mannen bak instagramkontoen "Ba-desken" har fått heile landet til å elske lokalaviser.

Kvifor er "Bompengepartiet" så vanskeleg å uttale for ein buktalar? Kan DDE brukast i norskopplæring? Begge spørsmåla får du svar på i språksjovet, der hopptrenar Alexander Stöckl er ein av gjestene.

Det starta med eit flåttbitt og enda med eit svært sjeldant fenomen. Birgit vakna ein dag opp med tysk aksent. Vi får også besøk av dialektfenomenet Robert Gustafsson.

Bruk av utestemme er eit tema når hotellkongen Petter Stordalen er gjest. Og kva blir "organist" på teiknspråk?

Gjennom ni onsdagskveldar denne vinteren har Linda Eide endevendt språket på jakt etter moro og kunnskap. Her får du alle høgdepunkta samla i eitt program.

Filler'n eller fittesvin? Banna har folk gjort i tusenvis av år. Linda Eide får besøk av ei som har sett faenskapen i system, og laga banneordbok. Og artisten Halvdan Sivertsen har, som nordlending, eit naturleg forhold til kraftuttrykk.

Korleis lære seg grønlandsk? Den dansk-norske forfattaren Kim Leine lærte seg språket då han var sjukepleiar på Grønland. Landets fremste hjernetrimmar er kryssordmakar Rolf Hansen. Han tenker både utanfor boksen, og på kryss og tvers.

Kor viktig er det å ha eit språk? Det veit dagens gjester alt om. NRK-korrespondent Sidsel Wold har ofte kjent seg hjelpelaus. 23 år gamle Frida Haugland har afasi, og var seks år før ho lærte sitt første ord.

Har du nokon gong stått på kjøkenet og lurt på kor mykje ein dæsj er? Linda håpar på svar frå matskribent Andreas Viestad. Smoi, derimot, er eit språk som berre innvidde mandalittar forstår.

Er joik eit eige språk? Joikaren Ánde Somby har kanskje svaret. I tillegg får Linda Eide besøk av noko sjeldant: ein bergensar med rulle-r. Marie Amdam er skribent og frontfigur i bandet Razika.

Kan ein dårleg vits bli god? Kva er timing? For melankoliker Jan Eggum er ordspel og vitsar blitt eitt av fleire varemerke. Kan kroppsspråk avsløre løgn? Og kva kan kroppsspråket fortelle om oss? Klarer løgnekspert Vidar Hansen å avsløre Linda Eide?

Timevis eller timesvis? Spørsmål om rettskriving kan ende i alvorleg krangel. Det veit komiker Sigrid Bonde Tusvik, med fortid som korrekturlesar. Og kva gjer du om språket manglar ord for ja eller nei? Kinesarane veit råd.

Kva føler du no? Spørsmålet er ein klisje i sports-journalistikken. Men går det an å styre unna? Møt NRK-sportens sjakkdronning Line Andersen. Og Runar Gudnason frå Side Brok, som rappar klisjefritt på sunnmørsdialekt.