Der folkemusikken lever

• 3. oktober 2015 kl. 05:55
• Tillatt for alle
• 30 min

Heimbygdtonar fra Vågå. (2:2) Den gamle bygdemusikken er levande i Vågå. Vi fyljer Vågåmo Spelmannslag i solo- og samspel, og opplever korleis dei lærer slåttar. Laget har øving i Jutulheimen, Vågå Bygdetun, like ovanfor Jutulporten som har tilknyting til segna om Blessomen og jutulen. Spelemennene er av spelemannsslekter med lang tradisjon og repertoaret er rikt. Ottadalen-spelemenn har stadig nytt utval, forklaringa er her lever mange eldre folk med godt minne. Dei huller melodiane eller får dei til å låte på ein skjønleg måte på anna instrument. Vi møter felemaker Ola Eide i verkstaden hans, og Leif Løchen som spelar på ei gamal fløyte og ein langeleik frå Valbjør gard. Folkemusikk frå Vågå kan ikkje presenterast utan dølevisene hans Edvard Storm, fødd på prestegarden i Vågå for godt og vel 200 år sidan. I 1770-åra sat han i København og lengta heim. Då dikta han ei samling viser på dølamål med emne frå heimlege traktar. Inspirasjonsgrunnlaget var kjærleiken til Noreg, særleg Gudbrandsdalen, og vemodige minne om hans ungdoms kjærleik. Slik er det med visa om Huldré å 'n Eilland, der Storm nytta melodien til springleiken Bessleiken. Både songen og slåtten er med. Ved Rolf Myklebust og Lise Foss.