Fjernsynsteatret

• 20. mai 2015 kl. 05:55
• Tillatt for alle
• 1 t 12 min

Fjernsynsteatret viser "Montserrat" av Emmanuel Roblès. Omsett av Eli Oftedal. Dekorasjoner: Christian Egemar. Kostyme: Ada Skolmen. Stykket fra 1948 fortel om ein spansk invasjonshær i eit latinamerikansk land i byrjinga av førre hundreåret. Landet, Venezuela, gjer væpna opprør mot det spanske framandveldet. Den spanske offiseren Montserrat blir sett til å ta fange den venezuelanske opprørsleiaren, Simon Bolivar, men gøymer Bolivar hos venezuelanske patriotar. Han meiner spaniarane ikkje har noko i landet å gjera, følgjeleg blir han krigsforrædar. Izquierdo, nestkommanderande hos Monteverde, leiaren for den spanske invasjonshæren, går til arrestasjon av seks uskuldige gislar. Han tek for seg kvar og ein, går inn på dei for å sjå kor djupt dei verdiane vi seier vi lever etter, eigentleg stikk. Han konfronterer sjølvopphaldingsdrifta med verdiane som menneskeverdet vårt byggjer på. Det er ein kamp mellom sadisme og mannemilde, mellom makt og idealisme. Ein styrkeprøve mellom Montserrat og Izquierdo. Også med Coronil, prest for dei øvste spanske offiserane og hans skriftefar, kjempar Montserrat ein åndeleg kamp. Coronil kjempar for Guds herredøme på jorda, for han representerer den spanske kongen Gud. Montserrat trur på Gud, men kan ikkje få seg til å tru at det er viljen til Guden han trur på, at spaniarane skal trælka det venezuelanske folket. Dei som er med: Svein Scharffenberg (Montserrat), Gisle Straume (Izquierdo), Harald Heide Steen (Fader Coronil), Svein Moen (Morales), Bjarne Thomsen (Zuazola), Per Tofte (Antonanzas), Øyvind Øyen (Arnal Luhan), Magnus Tveit (Salas Ina), Rolf Søder (Juan Salcedo), Bjørn Skagestad (Ricardo), Tone Ringen (Elena), Jorunn Kjellsby (Mora), Vilhelm Lund og Herman Hermansen (To munker). Instruktør: Otto Homlung.