Film: Shooting Dogs

Britisk drama frå 2005. April 1994. Rwanda er på randa av borgarkrig. Plutseleg bryt helvete laus, og hutu-milits byrjar brutalt å slakte ned tutsiar. Tusenvis av tutsiar søkjer tilflukt på ein engelsk misjonsskole i hovudstaden Kigali, der ein liten belgisk FN-delegasjon også er stasjonert. Men tryggleiken frå FN-soldatane viser seg å vere syltynn. Tutsiane opplever at heile verda vender dei ryggen. Og utanfor det spinkle gjerdet samlar hutuar seg med bloddrypande machetar. Filmen er basert på verkelege hendingar under folkemordet i Rwanda og innspelinga er gjord på skolen der det verkeleg skjedde. Mange av dei involverte i filmen opplevde folkemordet på kroppen og mista fleire av sine nærmaste under tragedien. Med John Hurt, Hugh Dancy, Dominique Horwitz, Louis Mahoney, Nicola Walker og Steve Toussaint. Regi: Michael Caton-Jones (15 år).